ဝိတ်ချချင်သူ၊ အစားလျှော့စားချင်သူအတွက် အသုံးဝင်မယ့် အသက်ရှုလေ့ကျင့်ခန်းတခုကို ဖော်ပြပေးပါမယ်။ ဒီလေ့ကျင့်ခန်းက မစားခင်လုပ်ရမှာဖြစ်ပြီး ဝိတ်ချချင်သူများအတွက် အထောက်အကူပေးတယ်။ မစားခင်ပြုလုပ်ခြင်းအားဖြင့် အစားစားချင်စိတ်ကို လျှော့နည်းစေပါတယ်။
ပြုလုပ်ပုံ
(၁)အစား မစားခင် အသက်ကိုဖြည်းဖြည်းချင်း ရှုရှိုက်ပါ။ ရှုရှိုက်နေစဉ် စိတ်ထဲက တစ်၊ နှစ်၊သုံး၊ လေး၊ ငါးအထိ ခပ်မှန်မှန် ရေတွက်ပါ။
(၂)ပြီးရင် အသက်ကို ဖြည်းဖြည်းချင်း ရှုထုတ်ပါ။ ရှုထုတ်တဲ့အခါလည်း စိတ်ထဲက တစ်ကနေ ငါးအထိ စက္ကန့်အတိုင်း ဖြညိးဖြည်းချင်းရေတွက်ပြီး ထုတ်ပါ။
(၃)အစားမစားခင်တိုင်း ဒီအသက်ရှုလေ့ကျင့်ခန်းကို ၃-၅ကြိမ်လုပ်ပေးရမှာ ဖြစ်တယ်။
တကယ်တော့ ဒါက ယောဂလေ့ကျင့်ခန်း တမျိုးပဲဖြစ်တယ်။ Yoga Body Diet လို့ ခေါ်တယ်။၂၀၀၉ ခုနှစ်က American Dietetic Association ရဲ့ ဂျာနယ် မှာ ဒီလေ့ကျင့်ခန်းဟာ အစာစားချင်စိတ်ကို လျှော့နည်းစေပြီး ဝိတ်ချရာမှာ အထောက်အကူပြုနိုင်တယ်လို့ ဖော်ပြထားပါတယ်။ စိတ်ဝင်စားသူများအနေနဲ့ ကိုယ်တိုင်စမ်းပြီး လုပ်ကြည့်နိုင်ပါတယ်။
ဒေါက်တာ အေးမင်းထူး
၂၁.၇.၁၅
No comments:
Post a Comment